Kryeministri Edi Rama ishte i pranishëm ditën e sotme në Laç.
Kreu i qeverisë vendosi ta kalonte festën e Krishtlindjes me një familje të krishterë në fshatin Gjorm, e cila jeton në çadër.
Gjatë bisedës me familjarët, Rama ka zbuluar edhe disa detaje nga projekti turk për ndërtimin e 500 banesave.
Rama tha se Laçin e ka marrë përsipër Turqia, ndërsa u tregoi banorëve disa foto nga projekti.
“Do të jenë tradicionale, me referenca nga Berati e Gjirokastra”, tha Rama.E bën një qytezë fantastike dhe ka potencial për t’i bërë pak më të larta. Plus që është pjesa e spitalit që do të prishen të gjitha konviktet, dhe aty kemi për të bërë një projekt tjetër dhe shumë bukur do të dalë. Kështu që do bëhet Laçi një qytet interesant”, u shpreh kryeministri.
Pothuajse të gjitha urimet për Krishtlindjen nga komunitetet fetare, institucionet, por edhe personazhet e politikës, kishin në thelb të prekurit nga tërmeti i 26 nëntorit.
