Kryeministri Edi Rama nuk ka humbur rastin edhe njëherë që të propagandojë investimet e tij të munguara në ndihmë të studentëve. Këtë herë ai ka qenë në kantierin ku supozohet të ndërtohen konviktet e Universtitetit Bujqësor të Tiranës ku ka thënë se studentët shqiptar do i kenë kushtet si ne Europë.
“Ndryshim radikal sepse përveç faktit që studentët do akomodohen njësoj si në konviktet më të mira në Europë, sjell një ripërtëritje të madhe urban e e zonës, gravitet komplet tjetër e zonës.”- tha Rama.
Me sa duket Rama kujtohet vetëm në fund të mandatit të dytë se studentët nuk kanë as kushtet minimale në godinat e konvikteve. Prej shtatë vitesh që ai ka qenë në pushtet investimet kanë munguar si në godinat në Qytet Studenti, në godinat e Mjekësisë dhe Inxhinierisë e po ashtu edhe në godinat e UBT.
Kanë qenë të shumta pamjet ku tregohet lagështia nëpër dhoma, dushet me orare, hapësirat e ngushta, dyert dhe dritaret e thyera nëpër konvitke. Një goditje përfundimtare i dha edhe tërmeti i vitit 2019 që bëri jofunksionale shumë konvikte, përfshirë edhe të Bujqësorit. Por ende pas dy vitesh godinat nuk janë rikonstruktuar e as nuk janë ngritur të reja. Në këto dy vite qeveria i ka lënë studentët në mëshirë të fatit dhe në pragë të fushatës elektorale kujtohet që t’i bëjë kushtet e tyre si në Europë.
Në fakt studentët europianë nuk kanë vetëm kushte akomodimi, por kanë edhe mundësi punësimi pasi diplomohen, ndryshe nga studentët shqiptarë që në mbarim të shkollës detyrohen të punojnë në call center ose kamarier.
