Kryeministri i Shqipërisë Edi Rama nuk ka lënë pa përmendur edhe mos njohjen e Kosovës nga Ukraina. Gjatë fjalës së tij në konferencën e përbashkët në Kiev me presidentin e Ukrainas Volodymir Zelensky dhe Kryeministrin e Malit të Zi Dritan Abazoviç ai nuk la pa thumbuar dhe vetë shtetin Ukrainas. Kujtojmë se Kosova është përballur me një situatë të ngjashme disa vite më parë.
“Ka një vend që Ukraina s’e ka njohur, Kosova dhe pavarësisht kësaj, ajo po bën të njëjtën gjë që po bëjnë të gjithë me sanksione dhe mbështetje të plotë. tha Rama
Edi Rama gjithashtu ka shprehur rëndësinë e mbështetjes së Ukrainës në mes të luftës me Rusinë. Në fund të fjalës së tij, Rama u shpreh se BE duhet t’i japë sa më shpejt Ukrainës, statusin e vendit kandidat.
“Ballkani Perëndimor ka 5 vende në Kombet e Bashkuara, të gjitha ato janë rreshtuar krah Ukrainës, pavarësisht historisë së ndryshme, pavarësisht kontekstit të ndryshëm, pavarësisht marrëdhënieve të ndryshme me Rusinë, pasi është krejt ndryshe se si e shohim botën përkundrejt Rusisë në qoftë se merrni për shembull Shqipërinë dhe Serbinë, apo Malin e Zi dhe Bosnjën, por të gjitha janë në mbështetje. Por ka edhe një vend të gjashtë, që Ukraina ende nuk e ka njohur, Kosova, e cila pavarësisht kësaj po bën saktësisht të njëjtën gjë që po bëjnë të gjithë, me sanksionet dhe mbështetjen e plotë. Do të thotë që këtu jemi në një linjë të mirëpërkufizuar të asaj çfarë jemi dhe përfaqësojmë. Besoj fort që është gjëja e duhur për t’u bërë. Ukrainës duhet t’i jepet statusi kandidat. Populli duhet ta dijë sot që e ardhmja është në BE. Kjo është e vetmja gjë që nënkupton statusi kandidat”, shtoi Rama
