Ditën e sotme menjëherë pas deklaratës së kryeministrit Rama që nuk ka ndërmend të ndryshojë asgjë nga harta e re gjyqësore, ka reaguar edhe kreu i Dhomës Kombëtare të Avokatisë Maks Haxhia, duke u shprehur se nuk i ka kërkuar asgjë qeverisë dhe kryeministrit, por kërkesat e tyre i kanë depozituar KLGJ-së.
Dhoma e Avokatisë shprehet se vendimet i merr KLGJ-ja, dhe qeveria ka vetëm faturën financiare që do të duhet për projektin e hartës së re gjyqësore.
Dhoma e Avokatisë: Kemi kërkuar zgjidhje, jemi për zgjidhje me mirëkuptim e që i përshtatet jo vetëm publikut por edhe interesit e realizimit të drejtësisë. Kemi kohë që kërkojmë të ulemi por sna dëgjojnë. Bojkoti s’është presion është zëri ynë të na dëgjojnë e të ulemi.
Kujtojmë se Rama u shpreh prerazi gjatë ditës së sotme, se harta e re gjyqësore nuk do të ndryshojë, pavarësisht qëndrimeve që kanë mbajtur avoketët.
Rama shtoi se nëse ka grupe që kontestojnë duhet të vijnë dhe të flasin.
Rama: Harta e re gjyqësore është ajo dhe nuk ndryshon. Habitem që ka individe se me qeverinë që unë drejtoj mund të flitet me gjuhen e bojkoteve, shfaqjeve të kokëfortësisë të pa zë.
Këtu jemi kush ka për të ndarë e ka shumë të thjeshtë të na kërkoj, të flasim. Harta është ajo dhe nuk ndryshon.
