Sot është 554 vjetori i vdekjes së Gjergj Kastrioti Skënderbeu, teksa politika është gjetur e ndarë. Edi Rama po zhvillon një takim me presidentin turk Erdogan, Ilir Meta zhvilloi homazhe në Lezhë pranë memorialit të heroit tonë Kombëtar, teksa Sali Berisha ka zgjedhur që përmes një postimi në rrjetin social Facebook, të kujtojë këtë figurë të rëndësishme për vendin tonë. Në postimin e tij, Sali Berisha shkruan se Skënderbeu ishte një strateg gjenial, i cili me betejat e tij kundër hordhive te Portës se Larte mbrojti trojet arbnore por dhe mbare qytetërimin perëndimor nga pushtimi otoman.
Sali Berisha shkruan:
Sot pervjetori i perjetesise se Skenderbeut! Miq, sot 554 vite me pare Prijesi i perjetshem i kombit tone, Gjergj Kastrioti Skenderbeu mbylli syte pergjithmone! Skenderbeu ishte nje starteg gjenial, i cili me betejat e tij kunder hordhive te Portes se Larte mbrojti trojet arbnore por dhe mbare qyteterimin perendimor nga pushtimi otoman. I shnderruar per se gjalli ne legjende ai mbeti perjete te jeteve si forca e identitetit tone kombetar perendimor si princi i pavdeksise te kombit shqiptar. Lavdi!
Sot bëhen 554 vjet nga vdekja e Heroit tonë Kombëtar, Gjergj Kastriot Skënderbeut. Ai vdiq më 17 janar 1468 në Lezhë. Gjergj Kastrioti ishte djali më i vogël i Gjon Kastriotit dhe i princeshës Vojsava, fëmija i fundit midis 4 djemve dhe 5 vajzave. Mendohet se lindi më 6 maj 1405 në Mat.
