Pas mbledhjes online të Asamblesë së PS, kryeministri Edi Rama tha për gazetarët se nuk ka dijeni për agjendën e votimit nesër në Kuvend, duke theksuar se ligjet do të kalojnë në kohë të shkurtër për shkak të kaosit të shkaktuar nga opozita. Në lidhje me sistemin e patronazhit në zgjedhje, Rama përgjigjet me ironi, duke thënë se ai është aktiv gjatë gjithë kohës, pavarësisht nga fjalimet e opozitës.
“Ligjet kalojnë në kohë të shkurtër se nuk ka në sallë kushte për të kaluar në një kohë të gjatë. Sa kohë s’ka kushte normale, ashtu do votohen. Nuk jam në dijeni a do hidhet në votim amnistia nesër, sepse I kemi punët e ndara, jam një deputet në parlament që shkoj dhe ndjek çfarë është përgatitur.
Nuk e di si është agjenda nesër. Është bërë një diskutim për një keqkuptim që është adresuar sot nga ministri i drejtësisë.
Sistemi i patronazhimit është aktiv edhe kur ju flini, jo më kur fle opozita, që jemi patronazhistë dhe ne të tjerët”, tha Rama.
