Presidenti ka dalë nga shinat e funksionit, kështu është shprehur sot kryeministri Rama. “Turp që kemi president një njeri që ka dalë nga shinat e funksionimit”, deklaroi Rama.
Sipas tij, Presidenti ka përshkallëzuar dhunën verbale.
“Është vërtet fatkeqësi që përshkallëzimi i dhunës verbale dhe marrëzisë nga ana e Ilir Metës po ndodh shumë përpara kohe në një kuptim, nuk e di ku do shkojë kaq herët sa ka filluar. Nuk është hera e parë, por realisht është e turpshme dhe sëkëlldisëse që të kemi një individ në zyrën e Presidentit të Republikës që ka dalë komplet nga të gjitha shinat e funksionit të tij dhe ka vendosur vetën dhe institucionin në funksion të një force të degraduar, sic është partia prej të cilës vjen dhe drejt së cilës shkon, është vërtet për të ardhur keq”,- deklaroi Rama.
Kryeministri i Shqipërisë, Edi Rama i bëri këto komente pas mbledhjes që kishte me drejtuesit politikë të PS në qarqe. Tashmë ësht bërë rregull, që drejtuesit politikë të PS-së, çdo javë do të raportojnë për ecurinë e procesit, takimet, angazhimet dhe çfarë kanë bërë kurse Rama do të vijojë me porositë për përgatitjen e zgjedhjeve të 25 prillit.
/GazetaReforma.com/
