Kryeministri Edi Rama ndodhet në Berat për ciklin kombëtar “Bashkia që Duam”.
Në fjalën e tij ai tha se qeveria shqiptare nuk ka asnjë betejë me opozitën, pasi këto Partia Socialiste i ka fituar gjithmonë.
Shefi i qeverisë pohoi se beteja e madhe e qeverisjes është papunësi, korrupsioni dhe problemet në administratë.
“Ne nuk kemi betejë me ta, sepse e kemi fituar dhe e fitojmë sa herë, por betejën e kemi me papunësinë, varfërinë, korrupsioni. E kemi me atë që vijojnë të jenë ende në zyrat e shtetit dhe nuk janë të denjë për tu shërbyer qytetarëve. Qyteti i Beratit ka ndryshuar shumë, por ka edhe më shumë për të ndryshuar. Potenciali është për të zhvilluar jo vetëm turizmin, por edhe agroturizmin”- tha Rama.
