Kryeministri i vendi, Edi Rama ka reaguar së fundmi në lidhje me situatën e krijuar në kufirin mes Kosovës dhe Serbisë për reciprocitetin e targave të automjeteve. Kryeministri me anë të një postimi në rrjetet sociale ka shkruar se duhet që të shmanget bumerangu i ngrirjes së konfliktit. Ndër të tjera Rama ka thënë se Kosova duhet të ulet në dialog me Serbinë, ndërsa Serbia duhet të bashkëpunojë për zgjidhjen e konflikteve.
“Kosova e ngre problemin me plot të drejtë. Tani që problemi të zgjidhet dhe reciprociteti i targave të garantohet duhet shmangur bumerangu i ngrirjes së konfliktit në këtë pikë (siç ndodhi me tarifën 100%).Duhet që Kosova të dialogojë, Serbia të bashkëpunojë, BE të ndërmjetësojë” – shkruan Rama.
Kujtojmë se autoritet Kosovare nisën nga 20 shtatori zbatimi e masës së reciprocitetit për targën e automjeteve që vijnë nga Serbia. Në bazë të vendimit të marrë të gjitha automjetet me targë Serbe që hynë në kufi duhet të pajisen me targat e Republikës së Kosovës. Gjithashtu ata duhet të paguajnë 5 euro dhe targa duhet të vendoset në një pjesë të dukshme të automjetit. Këto targa janë të vlefshme për 60 ditë. Kjo masë e vendosur nga qeveria e Kosovës ka sjell protesta nga qyterët serb të cilët kanë bllokuar rrugën. Gjithashtu Ministria e Punëve të Brendshme ka bërë thirrje që të gjithë qytetarët e Kosovës të shmangin kalimin në kufi me Jarinjën dhe Bërnjakun.
