Kryeministri Edi Rama ka publikuar një foto në facebook-un e tij ku bën krahasimin mes fushatës së Partisë Demokratike dhe fushatës së vaksinimit. Sipas ramës në 25 prill shqiptarët kanë mundësi të zgjedhin mes shëndetit të popullit e familjes ose puhstetit të Berishës, Kryemadhit e Bashës. Më tej ai vazhdon bën një listë të krahasimeve dhe munësive të zgjedhjeve për shqiptarët teksa shkruan në fund se në foto duket vaksinimi që vazhdon në Koplik dhe infektimet në mes të Tiranës.
“Vaksinimi dhe Infektimi vazhdojnë paralelisht, si nje provë kokëfortë e zgjedhjes që duhet të bëni në 25 prill:
- Për shëndetin e popullit e familjes suaj apo për pushtetin e Saliut, Ilirit, Monikës e Lulit;
- Për Rindërtimin e zhdukjen e pasojave të tërmetit apo për një tjetër rrëshqitje tëposhtë të krejt Shqipërisë;
- Për forcimin e shtetit, të drejtësisë e të rregullave të bashkëjetesës mes njerëzish apo për rikthimin e paligjshmërisë, vrazhdësisë e kaosit në qytetet e rrugët tona;
- Për rritjen e ekonomisë e fuqizimin social me punë e me durim apo për rizhytjen në batakun e keqqeverisjes e të rrumpallës antishtet…
*Vaksinimet në Koplik dhe infektimet në mes të Tiranës“, shkruan Rama.
Kujtojmë që Partia Demokratike ka vazhduar fushatën e saj me grumbullime të njerëzve, pa ruajtjen e distancës dhe pa mbajtjen e maskave në një kohë që rreziku i infektimit me Covid-19 mbetet i lartë.
Nga ana tjetër Rama ka bërë deklarata të forta duke thënë se nëse PD vjen në pushtet, nuk do të ketë më vaksina për Shqipërinë, duke bërë presion për të votuar atë.
