Kryeministri Edi Rama ka bërë publike dy dokumente që datojnë prej vitit 1930. Rama shkruan se në letrat e publikuara, banorët i kërkojnë Ahmet Zogut ndërtimin e rrugës së Lumit të Vlorës, gjë të cilën ua kërkuan të gjithëve me radhë dhe të gjithë ua premtuan. Por siç shkruan Rama, premtimi është mbajtur vetëm nga qeveria e tij.
Postimi i plotë i Ramës në Facebook:
“Kur në vitin 1930 një përfaqësi e komunitetit i kërkonte Ahmet Zogut ndërtimin e rrugës së Lumit të Vlorës, të cilën banorët ua kërkuan të tërëve me radhë dhe të tërë pa përjashtim ua premtuan, por premtimi u mbajt vetëm prej qeverisë sonë.”
Edi Rama dhe Partia Socialiste janë duke kërkuar një mandat të tretë për qeverisje dhe premtimet në këtë fushatë kanë qenë të shumta, duke nisur që nga uji i pijshëm 24 orë, gjë që është premtuar edhe më parë. Edhe pse partia Socialiste ka sjellë disa figura të reja dhe që nuk janë angazhuar më parë me këtë forcë politike, risitë janë të pakta. Kujtojmë që në këto zgjedhje për socialistët kandidojnë inxhinierja Luljeta Bozo dhe mjekja Najada Çomo, të dyja në qarkun e Tiranës. Nga ana tjetër, kryeministri Rama kandidon në Vlorë dhe në Durrës.
