Edi Rama, kryeministri i Shqipërisë njoftoi sot se ka pasur shumë kërkesa nga qytetarët në lidhje me Këshillimin Kombetar, edhe nga ata të cilët kanë qenë skeptik.
Ndërkohë njoftoi edhe për “lëvizjen” më të re të socialistëve.
Rama ka njoftuar një tur në të gjithë Shqipërinë të ministrave, deputetëve dhe kryetarëve të bashkive në dy muajt e ardhshëm për takime me qytetarët për të parë nga afër problematikat e tyre në mënyrë që të nisë hartimi i Këshillimit të ardhshëm Kombëtar.
Rama:Ajo për të cilën është shumë e nevojshme të kemi kontributit të deputetëve është përpilimi i këshillimit të ardhshëm kombëtar që duhet ta diskutojmë por me shumë gjasa do të na duhet ta bëjmë në fund të vitit pasi kemi pasur dhe vazhdojmë të kemi kërkesa nga qytetarët pjesëmarrës dhe të tjerët që nuk kanë marrë pjesë sepse kanë qenë skeptik. Është e rëndësishme të prekim tema që janë me interes të drejtpërdrejtë me ta.
Në vijim në periudhën maj-qershor do organizojmë një lëvizje në të gjithë Shqipërinë, me pjesëmarrjen e të gjithë ministrave, deputetëve, kryetarëve të bashkive për të trajtuar qoftë tema e Këshillimit Kombëtar apo temat që e shqetësojnë komunitetin dhe për të adresuar problematikat me të cilat hasemi në nivelin e qeverisjes vendore. E thashe se shumë shpejt do të ulemi dhe të gjithë të jenë të përgatitur për këtë, që të diskutojmë për 2 aspektet. E para për vazhdimin e temave ne Keshillimin Kombetar dhe problematikat e zonave pa u kufizuar dhe të jemi më sintetikë për qarkun.
Na duhet një pamje e qartë e cdo sitiuatë të qarkut dhe komuniteteve.
