Rama ditën e sotme ndodhet në Fier, ku edhe është duke realizuar takimin e tij “Bashkia që duam”, ku edhe ka shprehur opinionin e tij për disa nga ngjarjet kryesore në vend.
Rama ka treguar se sipas tij dy kanë qenë arsyet pse opozita dogji mandatet dhe njëra prej tyre është që duan t’i shmangen qershori që vjen.
“ Kush do vij, do vij Luani, çdo bëjë ai me ata 100 veta atje. Ata e kuptojnë vetë që as nuk hahen e as nuk treten. Krijojnë alibinë se zgjedhjet shiten. Dhe e dyta kanë dhe një hall tjetër, është reforma në drejtësi. Po fillon po shtrëngohet laku”, tha Rama.
Ndërkohë që sa i përket blerjes së votave, i akuzuar së fundmi nga opozita, kryeministri ka akuzuar drejtpërdrejt kryetaren e LSI-së, Monika Kryemadhi.
“Keni parë Monikën kur çon kokën nga qielli, thotë: O Zot ndihmoji shqiptarët nga shitja e votës. Kjo tregon se Zoti nuk ndërhyn në procesin e votës, se po të merrej zoti me zgjedhje Monikës i kishte rënë rrufeja dhe largqoftë kishim mbetur pa doktoreshë”.
https://www.facebook.com/edirama.al/videos/2085539391514251/
