Kryetarja e LSI, Monika Kryemadhi paralajmëroi kreun e bashkisë ErionVeliaj se nuk i blen dot kanidatët e LSI me shantazhe dhe me drejtoresha bukuroshe.
Mesa duket përplasjet politike kanë vijuar dhe mnë studiot televizive mes krerëve të partive kryesore. Kryemadhi i ka kthyer përgjigje kryebashkiakut pas deklaratave të tij për kandidatët e LSI, të cilët sipas tij kishin probleme me SPAK.
E ftuar në emisionin “Çim Peka Live”, Kryemadhi u shpreh se Veliaj kur flet pët SPAK e ka për veten e tij, sepse Rama po ia përgatit dosjen me shumë devotshmëri. Kryemadhi në fjalën e saj la të kuptohej se do të kishte zhvillime të reja në lidhje me Veliajn.
Pjesë nga biseda:
Gazetarja: Ka pasur sot një deklaratë nga kryetari i Bashkisë Erion Veliaj, ku thotë se është bërë kriter që të jesh kandidat i LSI-së, sa më të madhe ta kesh dosjen, aq më të madhe duhet ta kesh haraçin për të shpenzuar në fushatë. Ai shprehet se duhet të kesh dosje abuzimesh në SPAK që të jesh pjesë e listës së LSI-së. Për cilën nga kandidatët e ka fjalën zoti Veliaj?
Kryemadhi:Kam përshtypjen që e ka për veten e tij, të cilën po ia përgatit mister Rama dhe po ja bën me devotshmërinë më të madhe. Sepse shikon që konkurrenca që ka për marrjen e partisë pas 25 prillit nga zoti Veliaj është shumë e madhe. Dhe ai e di shumë mirë që zoti Veliaj është qeni që kafshon dorën, edhe pse ai e ka ushqyer dhe e ka sjellë sot deri këtu, nuk ka për ta lejuar. Për sa i përket kandidatëve të LSI-së, Zoti Veliaj dhe kushdo tjetër që është pas zotit Veliaj, ta ketë të qartë që asnjë kandidat i LSI-së, jo vetëm që nuk e kërcënon e nuk e blen dot, por as nuk mundet qoftë duke i çuar edhe drejtoreshat simpatike të bashkisë, qoftë edhe duke i çuar edhe bukuroshet e shtojzovallet e grupeve të eskortës së bashkisë dhe të kryeministrisë. Është e pamundur të tjetërsojë atë që duhet.
Zoti Veliaj ta gëzojë inceneratorin e Tiranës dhe do të flasim në ditët në vazhdim, që të mos i konsumojmë të gjithë fishekët sot. Do të keni lajme, fakte e dokumente pafund, por ajo që është e rëndësishme sot është pse qytetarët duhet të shkojnë të votojnë më 25 prill LSI-në. Po nuk iu pëlqeu LSI-ja, të votojnë PD-në. Po nuk i pëlqeu PD-ja, të votojnë çdo kandidat tjetër, vetëm Rilindjen e Edi Ramës mos ta votojë. Është kaq e thjeshtë.
