Kryeministri Edi Rama ka ‘zbuluar’ sot një plan të përbashkët me PD për ta asgjësuar plotësisht LSI-në si lëvizje politike. Duke krijuar një diversion të fortë politik, Rama tha se palni ishte ta “çonin për skrap”, por plani dështoi për shkak të Lulëzim Bashës.
“Çuarja për skrap e LSI-së, ishte një projekt i përbashkët me Lulzim Bashën, por i tradhtuar nga Basha. Se unë nuk e kam tradhtuar projektin, Lulzim Basha e ka tradhtuar projektin sepse ishte ai që e ndau me demokratët domosdoshmërinë për ta çuar LSI-në për skrap dhe sot është thjesht një aksioner në SHPK-në e katër ortakëve ku ai është ortak minorance, se ortakët kryesorë janë Saliu dhe Ilir Meta.”, u shpreh Rama.
Më tej ai e cilësoi atë si një sistem që korrupton gjithë nejrëzit ndaj dhe vazhdon të jetë i mendimit se LSI nuk i vlen politikës shqiptare.
“Unë gjithmonë kam besuar se nuk janë njerëzit që korruptojnë sistemet, por sistemet korruptojnë njerëzit. Unë besoj që LSI-ja është një sistem që duhet çmontuar komplet. Kështu besoj, kam besuar dhe besoj”, deklaroi Rama.
Kjo deklaratë e rëndë e kryeministrit ngjalli dhe reagime të shumta në partitë politike opozitare në vend. Kryetari i opozitës, duke komentuar këto deklarata të kreut të qeverisë tha se Rama është i lodhur dhe se gënjen.
“Është kaq i lodhur, çfarë thotë sot nuk thotë nesër. Sa herë do ta kapni ju duke gënjyer dhe duke përgënjeshtruar veten e tij shumë shpejt do të fillojë të njëjtën gjë në mëngjes, në darkë dhe do të fillojë ta përgënjeshtrojë të nesërmen dhe pastaj do ta përgënjeshtrojë veten e tij brenda ditës. Nuk mban më Rama. Ka mbaruar.”, u shpreh Rama në një konferencë mesditën e sotme.
