Kryeministri Edi Rama është këtë mbrëmje i ftuar në emisionin “Opinion”, ku një panel gazetarësh është vendosur përballë tij për t’i drejtuar pyetje. i pyetur nëse do të pranonte një debat publik me Bashën, Rama e ka refuzuar duke thënë se kreu i PD është një marionetë që përdoret si dhënder në një dasmë imagjinare ku nusja nuk do të vijë. Sipas ti, pas Bashës fshihen Berisha Meta e Kryemadhi.
“Ka një problem sepse unë e konsideroj Bashën një kukull të vënë, një marionetë që përdoret si dhëndër për një dasmë imagjinare ku nusja nuk do të paraqitet. Pas tij është Iliri, Monika e Saliu. Mendimi im është ky, nuk kam përballë liderin e vërtetë të Opozitës”, ka thënë Rama.
Më tej kryeministri ka komentuar edhe hapjen e fushatës së PD, ku ishin të pranishëm një numër i madh personash, duke shkelur kështu edhe masat e pandemisë. Rama tha se në telefonin e tij ka SMS të njerëzve që i kërkojnë të dalin në miting, por ai nuk pranon t’I rrezikojë shëndetin.
“Nuk e kuptoj se si mund të mbushësh me makina një rrugë këmbësorësh. Dhe të dalin njerëzit nga makina në atë formë e të brohorasin e të mblidhen. Po ta shikosh telefonin tim më vijnë mesazhe se përse nuk dalim edhe ne, pse nuk bëjmë dhe ne mitingje, etj, etj. Por, unë njerëzit i dua të shëndetshëm, nuk i kam mish për top”, deklaroi Rama.
