Kryeministri Edi Rama ka paralajmëruar ditën e sotme lehtësimin e masave të tjera, duke bërë me dije se nga data 4 maj do të nisë hapja graduale duke nisur me zgjatjen e orarit të lëvizjes dhe hapjen e bllokut të tretë të bizneseve.
Ndalur tek arsimi ai theksoi se javën që vjen do ketë një vendim për shkollat dhe universitetet, teksa mbrëmjen e djeshme Manastirliu u shpreh se qeveria e ka në plan këtë çështje, por po studiojnë ende situatën.
Më tej, kryeministri shtoi se duhet të mësohem me virusin se ai nuk largohet pa dalë vaksina.
“Është një dhimbje koke edhe për ju edhe për mua. Javën e ardhshme do rrisim orarin e daljes në pazar. Do lejojmë edhe taksitë për njerëzit që do të ikin nga një qytet në tjetrin. Nga 4 maji do lehtësojmë lëvizjet dhe do hapim bllokun e tret të bizneseve. Edhe pak durim por nuk ka rrugë tjetër. Hapja do garantohet nga rregulla. Ka rëndësi të kuptohet se në fund të ditës lejet duhen për të garantuar shëndetin e secilit. Duhet të jemi më kërkues nga ju por duhet të jeni kërkues edhe nga vetja. Deri në fillim të javës tjetër do kemi një vendim për shkollat dhe universitetet. Vetëm Danimarka i ka hapur shkollat”, tha Rama.
Më tej, kreu i qeverisë tha se brenda majit do të kenë gati planin për turizimin.
“Jemi në kontakt me disa nga vendet që e kanë turzimin jetik. Akoma nuk dihet me siguri asgjë. Por gjithsesi do ta kemi edhe ne planin tonë për turizmin brenda majit. Është shëndeti mbi të gjitha dhe nuk do lejojmë që të degradojë gjendja solide pavarësisht stresit”, tha Rama.
Sa i përket paketave ekonomike të qeverisë, Rama theksoi se ka shkuar në 52 mijë numri i atyre që kanë përfituar pagën e luftës.
“Sot ka shkuar në 52 mijë numri i atyre që kanë përfituar pagën e luftës. Kështu për të tjerët nuk do ketë më asnjë vonesë se do kalojnë brenda ditës. Janë 65 mijë individë që kanë refuzuar dhe janë ankuar. Do tu mbërrijë në email përkatës konfirmimi që përfitojnë sepse janë në katet e zgjeruar me 40 mijë lekë. Tatimfitimi i të gjitha bizneseve të vogla është falur. Ajo që është paguar janë sigurimet dhe tvsh. Ne kemi hrë në një kthesë graduale dhe duhet të bëjmë që të gjithë edhe pak durim. Duke mos harruar se çdo rritje shpejtësie mund të na kushtojë shumë. Ekziston mundësia që të tërheqim frenat. Mos u qani pse ndryshojnë shpesh rregullat dhe vendimet sepse janë të pashmangshme”, tha Rama.
https://www.facebook.com/edirama.al/videos/242825753589226/
