Pasditen e sotme, kryeministri Edi Rama ka realizuar një lidhje live në rrjetet sociale me qyetetarët ku ka ndarë njoftime të rëndësishme rreth lehtësimit të masave dhe rikthimit në jetën normale.
Rama e nisi nga vendimi i qeverisë për rikthimin e maturantëve në shkolla, teksa tha se të gjithë nxënësit do ta kalojnë vitin shkollor.
“Kemi arritur në konkluzionin që në 18 maj të çelim një periudhë të domosdoshme në shkolla për ata që janë në maturë. Për të tjetrët do të shikohen rezultatet që kanë marrë deri më tani. Kjo besoj që ka qënë zgjidhja më optimale për të mbrojtur jetën dhe shëndetin. Nuk mund të hidhej poshtë gjithçka me anulimin e gjithë vitit. Sot kemi kthim masiv në punë.”
Sakaq, lidhur me rihapjen e aktiviteteve të tjera, kreu i qeverisë tha se do rishikohen me vijimin e pandemisë dhe se do fillojë hapja graduale e bizneseve që janë ende mbyllur.
Rama tha se fillimisht do hapen qendrat dentare dhe qendrat estetike, sigurisht duke zbatuar rregullat strikte, dhe më pas do rishikohet hapja e qendrave tregtare dhe bareve e restoranteve që do hapen të fundit.
Në 11 maj do rishikohet hapja e zonave të tjera të gjelbërta, ku do ketë një lehtësim me të madh masash, ndërsa sa i përketë fluturimeve ajrore ai tha se do rishikohet si çështje nisur nga java e ardhshme.
“Duke qenë se ka shumë që duan të shkojnë në Greqi u kujtoj se faktikisht nuk lejohet lëvizja nga prefektura në prefekturë. Kur flasim për kufij, hap kufijtë se na mbyte, se na vrave, dakord unë jam i tilli apo atilli mbase, por a shikoni se çfarë ndodh? Do të hapemi me shumë kujdes dhe deri në, pas kësaj jave, dhe javës në vijim, do të bëjmë një analizë të thellë me ekspertët dhe komitetin lidhur me procesin e hapjes së korridoreve ajrore. Në tërësi do të vijojmë me këtë regjim për korridoret ajrore. Lehtësimi do të vijë në proces. Mbeten në proces për t’u studiuar dhe për t’u lehtësuar, disa biznese, floktoret, berberët, dentistët.Janë të rrezikshme, sepse mjafton që një nga klientët të infektojë berberin, parukerin apo dentistin të gjithë marrin infeksionet. Por me protokollet do të lehtësojmë edhe këtë aktivitetet dhe pastaj mbetemi te qendrat tregtare më parë dhe më pas restorantet dhe baret. Pas datës 4 maj nuk ka diskutim deri në 11 maj kur do të kemi një rivizitim të të gjithë situatës. Do të shikojmë edhe efektin e hapjes së zonave të gjelbra që do të zgjerohen” tha ai.
https://www.facebook.com/edirama.al/videos/1776439749159732/
