Një tjetër personalitet i rëndësishëm i artit shqiptar është bërë pjesë e fushatës së kryeministrit të Shqipërisë, Edi Rama, për zgjedhjet e 25 prillit. Pas aktorit Robert Ndrenika, edhe Tinka Kurti është shfaqur së fundmi në një video të Partisë Socialiste.
Në mesazhin e saj, aktorja dëgjohet të thotë se në kohë të vështira si këto që po kalojmë, vendit i duhet Edi Rama, pasi vetëm ai lufton për Shqipërinë.
“Kur lumenjtë dalin nga shtrati, kur sëmundja kërcënon jetën tonë. Kur përballemi me kohë më të vështira, Shqipërisë i duhet Edi Ramës, ai nuk ndalet kurrë. Ai lufton për ne dhe punon për Shqipërinë si askush tjetër”, shprehet Tinka Kurti.
Me shumë gjasa, edhe Tinka Kurti do të kritikohet gjerësisht në rrjetet sociale siç ndodhi dhe me aktorin e mirënjohur, Robert Ndrenika. Reagimet ishin aq të shumta për aktorin në fjalë, sa u detyrua të bëjë një reagim publik, duke thënë se nuk i kupton aspask njerëzit që e kritikojnë.
Kujtojmë që fushata zgjedhori është hapur prej 6 ditësh tashmë dhe gara duket më e ashpër se kurrë. Sidomos në rrjetet sociale, që kanë marrë një rëndësi tepër të madhe, jo vetëm për shkak të kohës së dixhitalizimit që jetojmë, por dhe për shkak të pandemisë, pasi tubimet masive, po mundohen të shmangen sa më shumë.
https://www.facebook.com/edirama.al/videos/1431680070516715
