Kryeministri Edi Rama përsëriti edhe ditën e sotme nismën e tij të re për transformimin e administratës.
Shefi i qeverisë tha se 50% e administratës do të jenë gra, shkruan ‘Dosja.al’.
‘Me burrat bëhen llafet, me gratë punët’, u shpreh kryeministri.
Këtë deklaratë Rama e bëri nga spitali i Traumës, ku kishte shkuar për inauguruar ambulancat e reja.
Më tej kryeministri shtoi, se Urgjenca Kombëtare është transformuar me standarde ndërkombëtare.
Fjala e Ramës
“Urgjenca kombëtare është me standarte ndërkombëtare. Shërbimi i specializuar i urgjencës tashmë shkon në shtëpi. 100 autoambulanca janë të shpërndara në spitalet rajonale. Sot shohim 37 autoambulanca të reja. Kemi 1600 thirrje për të marrë ndihmën në Urgjencën Kombëtare. Deri në vitin 2021 do të përfundojë modernizimi i Urgjencës Kombëtare. 208 misione me helikopter në vit. Do të ndryshojmë administratën. Gratë do të zënë mbi 50%. Numri i urgjencës do të jetë një numër për të gjithë, që të vihet në lëvizje kushdo ai që nuk shkon në vend.”
