Kryeministri Rama ka filluar me premtimet në prag të fushatës elektorale. Gjatë prezantimi të programit të Partisë Socialiste “Pagat, taksat dhe biznesi”për zgjedhjet e 25 prillit, Rama ka kërkuar votën për të vazhduar ndërtimin e rrugës së re. Ai ka premtuar se do të heq taksat për pagën deri 400 mijë lekë dhe do të ulë tatimin për fitimin pë rata që marrin deri në 2.5 milionë lekë të vjetra.
“Ne i duam votat për të vazhduar ndërtimin e rrugës së re për shqiptarët, të hapur në drejtësi, arsim, shëndetësi. Ata kanë zgjedhur rrugën e vjetër të fushatave, me moton e premtimet “kap çfarë të kapësh”. Bubat kaçurrelë. Sot kemi 300 mijë lekë pagën minimale. Ne duam ta çojmë deri 400 mijë. Nga 1 janari 2022, do heqim taksën mbi pagën deri 400 mijë lekë. I bie që 63 për qind e të punësuarve nuk do kenë taksë për shtetin. Ulet tatimi mbi fitimin, për ata që marrin deri 2.5 milionë lekë të vjetra. Kjo masë hyn në fuqi më 1 janar 2022”, ka thënë Rama.
Këto janë thuajse të njëjtat premtime që janë bërë edhe dy fushata më parë, por në qeverisje ka rezultuar e kundërta pasi edhe ënse është ulur tatami, taksat janë vjelë në mënyra të tjera. Po ashtu kjo nuk Lufton informalitetin, pas një pjesë e mirë e punëtorëve punojnë në të zezë, me paga shumë më poshtë minimales.
Po ashtu Rama ka thënë se nëse fiton sërish emigracioni nuk do jetë zgjedhje e detyruar e askujt dhe ka thënë se populli e ka mështetur gjithmonë PS-në.
“Shqipëria duhet të medoemos të bëhet zgjedhja e parë e çdo shqiptari. Emigracioni nuk duhet të jetë më zgjedhja e detyruar e askujt. E lehtë dhe shumë e bukur ta thuash, por e vështirë dhe shumë e vështirë ta bësh. Por ne, PS jemi krijuar pikërisht për të bërë gjërat e vështira. Vetë lindja e kësaj force të madhe, kësaj familjeje të madhe politike ka qenë një lindje e vështirë dhe historia e këtyre 30 vjetëve ka treguar se sa herë kjo forcë e madhe politike ka marrë përsipër gjërat e vështira, populli ka qenë gati ta mbështesë”, tha Rama.
Në fakt në këto tetë vite të shkuara ka ndodhru e kundërta, pasi më shumë se 300 mijë shqiptarë janë larguar nga vendi. Premtimet nuk kanë funksionuar dy herët e para, arsye pse edhe të tretën nuk do të funksionojnë.
