Kryeministri Edi Rama ka bërë me dije se takimi i radhës në Kryeministri do të mbahet me pronarët e firmave që shfrytëzojnë guroret në disa zona të vendit. Në fjalën e tij gjatë takimit të sotëm me kryebashkiakët, numri një i qeverisë kërkoi nga këta të fundit që të qëndronin larg përfshirjes me guroret duke i paralajmëruar. Ndër të tjera, Rama shtoi se në takimin e ardhshëm, të gjithë do të kenë vetëm nga një rrugë për të zgjedhur; ose të respektojnë ligjin, ose të përballen me drejtësinë.
“Jemi të vendosur që të ndërhyjmë. Mos u bëni pengesë që sistemi të ndryshojë. Përveç letrës që thotë që jeni autonomë, nuk ka asnjë përmirësim, asnjë llogaridhënie për nivelin mizerabël të punësimebe; asnjë kredimarrje nuk paguhet nga UKT. Me çfarë argumenti duhet të vazhdojë kjo histori. Edhe këtu ka disa shembuj pozitivë. Kështu që iu falenderoj për mundimin. Kemi dhe një të tretë për guroret. Nëse do të bëjmë përmirësimë në këto tre drejtime do t’i bëjmë shërbim komunitetit. Guroreve i dilni për zot por nuk ka asnjë letër nga ana e Bashkive në ministrinë e Mjedisit ku të thuhet se kjo kompani nuk ka mbjellur asnjë pemë. Nuk ka, asnjë. Sa i përket guroreve, iu lutem që t’i qëndroni larg kësaj pune. Këtu shumë shpejt do të jenë kompanitë që shfrytëzojnë malet. Ato ndërhyrjet sociale mbajnë erë të keqe për fat të keq. Do i thërrasim dhe do i tregojmë ku i kanë problemet me ligjin. Duhet të marrin përsipër të pyllëzojnë sipas kontratës dhe për këtë kanë afat deri më 31 dhjetor. Nëse i rikuperojnë nuk kemi arsye që t’i bëhemi pengesë. Kush nuk është, do të humbasë biznesin por do të shkojë para ligjit,”-tha Rama.
