Ministrja e Shtetit për Marrëdhëniet me Parlamentin, Elisa Spiropali në një intervistë televizive. u shpreh se “është një situatë e vështirë për ne dhe vendet e tjera”. “Është absolutisht në kontroll përsa i përket reagimit të Komitetit Teknik dhe qeverisë shqiptare, si buxhetet që janë alokuar.
Në buxhetin e 2021 të miratuar në nëntor kemi rritje më të madhe për shëndetsiënë që parashikon edhe investimet, për të përballuar COVID-19. Kemi ‘prenotimin’ për vaksinën, shpresojmë që takimet e Kryeministrit Rama në SHBA të ndikojnë që ta marrim sa më shpejt”, theksoi ministrja Spiropali.
“Kemi ndërtuar 3 strategji të rëndësishme, përfshirë dhe strategjinë vjeshtë-dimër për hapjen e spitaleve të reja në rast se shtretërit ezuarohen në spitalet që kemi. Por kjo duket se është larg se kapacitetet janë, mjekët janë në shërbim. Situata është e rëndë për çdo familje që humb të dashurit në këtë betejë të vështirë nga virusi i pabesë dhe i egër. Sa i takon shifrave totale për sëmundshmërinë dhe të vdekshmërisë, ne jemi nën mesataren e Europës”, – tha Spiropali.
Ministrja Spiropali u shpreh se “i lutemi opozitës që të lërë lojën politike të ditës me shifrat e të vdekurve, me presionin që vënë mbi mjekët në frontin e parë dhe t’i besojnë ekspertizës së tyre. Ne veprojmë në bazë të rekomandimeve të Komitetit Teknik”.
/GazetaReforma.com/
