Ditën e sotme Kryeminsitri Edi Rama ka shpërndarë në rrjetin e tij soclal një postim prej vizitës së bërë në qytetin e Lezhës ku inspektoi përfundimet e punimeve dhe hyrjen në apartamente të 97 familjeve. Në mbishkrimin sipër fotos, Rama tha se tashmë ndihej i kënaqur që sajesat e bëra lidhur me shtëpitë falas kishin mbetur vetëm fjalë.
Gjithashtu duke marrë shkas nga situata në PD, ku ka pasur ‘përplasje’ mes Bashës dhe ish-kryeministrit Sali Berisha, Rama teksa bisedonte me një zonjë ironizoi kryedemokratin.
Qytetarja: Dua shtëpi, jam pa shtëpi. Kam pritur shtëpi nga Luli. Jam pa shtëpi.
Rama: Ah ti prisje shtëpi nga Luli?! Më mirë që s’ta ka bërë se do ngelje brenda me bravën.
Postimi i Plotë nga kryeministri, Edi Rama:
Ky është nga ato momentet krejt të veçanta njerëzore, kur mbushesh i gjithi me ndjesinë e bukur të vlerës së pazëvendësueshme të politikës në të mirë të jetës së njerëzve dhe i bën hallall sharjet, mallkimet, shpifjet, streset e mundimet e të marrurit me politikë për të shërbyer, jo për të rrëmbyer
Sa shumë mosbesim, ankesa, akuza, përqeshje e shpoti, kur përsërisja do t’i kthejmë të gjithë në shtëpi; sa shumë sajesa e fantazi për shtëpitë që nuk do të ndërtoheshin kurrë, për banesat që s’do të jepeshin kurrë FALAS; sa shumë energji negative, për sa e sa çudira mendore, teksa duhet të shtrëngonim dhëmbët nga vonesat objektive të pandemisë e nga lloj-lloj yçklash… Sa kënaqësi kur të tëra fjalët i merr era dhe veprat mbeten të vetmet që flasin.
