Ditën e sotme kryeministri Edi Rama ndodhet në Turqi, ku po merr pjesë në forumin diplomatik të Antalias.
Gjatë fjalës së tij, Rama tha se Shqipëria duhet të vazhdojë reformat për integrimin në Evropë, megjithatë theksoi se BE nuk po e mban premtimin.
Rama nuk kurseu batutat, ndërsa tha se vendi ynë nuk do të përgatisë më “ahengje” për BE-në, edhe pse është gati “të martohet pa hezitim me të”.
“Duhet të vazhdojmë reformat dhe të vazhdojmë që të bëjmë vendin tonë evropian, me të njëjtat vlera dhe standarde si BE. Jo sepse po na e kërkojnë, por sepse kjo është ajo që meritojnë fëmijët tanë. Ky proces nuk është në dorën tonë.
Kemi pritur për dasmën me BE disa herë, tani s’do presim më, por po punojmë edhe kur ata të jenë gati te martohemi pa hezitim, s’ka më përgatitje për ahengje.
Harta e Evropës nuk ishte imagjinuar më parë më këtë agresion ushtarak, në një formë do i japi sens nevojës për të forcuar paqen çdo ditë, dhe gjeopolitika do të kuptoj se Ballkani perëndimor është më i rëndësishëm të jetë pjesë e tyre se sa jashtë, pasi është një zonë ku aktorët e tretë kërkojnë hapësirë, Shqipëria është vendi më pro europian në ditët e sotme, madje më shumë se sa ndonjë vend tjetër. Ne do te fokusohemi më shumë të rajoni dhe do të mbajmë atë se çfarë kemi arrit deri tani dhe të bëjmë progres më shumë drejt paqes, dhe punës mes 6 vendeve të përbashkëta. Nëse kjo luftë nuk është e mjaftueshme, se di se çfarë do të jetë tjetër për të dërguar mesazh njerëzve të mëdhenj në BE, që marrin vendime duke premtuar dhe duke mos i mbajtur ato, bota është e komplikuar dhe fati i strategjisë apo lidershipit, nuk mund te jetë në fund me çmim shumë të lartë, uroj që ky të mos jetë rasti.”- tha kryeministri.
