Kryeministri i Shqipërisë, Edi Rama ditën e sotme ka zhvilluar takime në qytetin Durrësit. Fillimisht, kreu i shtetit është ndalur në një kopsht, për të vijuar më pas me takime në lagje të ndryshme të këtij qyteti. Gjithashtu, Rama nuk ka lënë pa takuar edhe peshkatarët. Kryeministri zgjodhi të bashkëbisedojë në një varkë peshkimi, duke ngrënë drekë së bashku me peshkatarët e Durrësit.
Një prej tyre i ka kujtuar premtimin që i ka dhënë atyre, se do ta bëjë Portin e Durrësit me të njëjtin standard si ai i Vlorës. Ndërsa kreu i PS-së, u përgjigj: “Nuk kam ardhur në Durrës për të marrë vota, por për të bërë histori. Mos u shqetësoni për Portin e Vlorës, më parë nuk ishin kushtet. Kjo është edhe arsyeja që projekti në Durrës nuk u finalizua. Ne kemi marrë fondin dhe tani jemi në rregull”, tha mes të tjerash kryeministri i Shqipërisë, Rama.
I gjithë takimi i kryeministrit me qytetarët e Durrësit dhe biseda me peshkatarët, është transmetuar drejpërdrejt në faqen zyrtare në rrjetin social “Facebook” të kryeministrit të vendit. Fushata elektorale në vend ngriti zyrtarisht siparin ditën e djeshme, 30 ditë para datës zyrtare të zgjedhjeve, që do të mbahen me datë 25 prill.
https://www.facebook.com/edirama.al/videos/180017803939181
