Kryeministri i vendit Edi Rama, gjatë një takimi elektoral në Burrel, foli për Rrugën e Arbrit e cila pritet të jetë e aksesueshme për të gjithë qytetarët brenda verës së këtij viti. Rama tha se kjo rrugë do të lidhë Veriun e vendit me Tiranën brenda një ore. Ai tha se tashmë zona mund të quhet si një vend periferik me kryeqytetin.Në fjalën e mbajtur kryeministri ka sulmuar sërish opozitën duke thënë se “nuk është e mundur që tani ne të biem pre e këtyre ofertave”. Gjithashtu me shaka Rama iu është drejtuar djemve me shaka se tani do bëjnë vizita më të shpeshta nga kryeqyteti për të parë a janë bërë “pjeshkat”.
“Noc Rrokun do ju japin, po atë ku ta gjesh se të bën të qeshësh. Ju këtu në Mat e keni shumë të thjeshtë. Nëse më merrni përdore dhe më tregoni një shkollë dhe një çerdhe një fushë futbolli që jua bënë dhe që është akoma aty do mendoj dhe do ju them keni të drejtë. Po nuk ka. Ndërkohë nuk ka nevojë të ma tregoni se sa shkolla, kopshte, çerdhe, rrugë, kanale vaditëse janë vënë në punë që kur qeveria jonë janë bërë bashkë.
Dhe mos e harroni Rruga e Arbrit nuk është një rruge qe do ju lidhe ju me shpejt me Tiranën për dasmë, për të shkuar me shpejt ne Tirane çunat e për te dale të parë a janë bërë a s’janë bërë pjeshkat edhe per këto është, edhe për këto është, por është një rrugë që të gjithë Dibrën e kthen ne jastëkun e gjelbërit te Tiranës, dhe është një rruge qe te gjithë ata që jetojnë ne Tirane e vijnë ne Tirane e do vijnë gjithnjë e me shume, ta marrin dhe të kalojnë këtej qoftë për një ditë të vetme, por sa me shume te bëjmë ne këtej bashkarish, sa me shume bujtina, agroturizma te hapim, sa me shume produkte ti vemë ne dispozicion produktet e zonës aq me shume kjo rruge do jete rruga e një transformimi sa qe me degjoni mua budallain këtu, ne një dekade ju do habiteni se si ndodhi, se çfarë ndodhi, por ama rruga nuk mjafton, është aty e mund te mbetet aty ne rast se politika nuk ka sytë për te pare te ardhmen”., ka thënë kryeministri i vendit Edi Rama.
