Kryeinspektori i Republikës mbron pozicionin e Ramës për marrëveshjen detare të ardhshme me Greqinë! Çfarë lidhje ka ky me këtë çështje, kur nuk është as ekspert i fushës? Ramës duhet t’i bësh jehonë, ta mbrosh në media dhe në rrjetet sociale që të bësh karrierë për vete dhe familjarët. Kështu bën edhe Shkëlqim Hajdari, ish-kryetar i Prokurorisë së Apelit dhe anëtar i Këshillit të Prokurorisë. Aktualisht është emëruar nga Edi Rama në postin e Inspektorit të Përgjithshëm të Republikës dhe është aktiv në fushatat elektorale.
Sipas Hajdarit, Rama nuk i tradhton kurrë interesat kombëtare përsa i përket rastit të ndarjes së territorit me Greqinë. Madje jo vetëm kaq, por ai e argumenton këtë duke u shprehur se Rama e thotë edhe vetë me sinqeritet dhe ndjenjë patriotike se paraardhësit e tij nga Vunoi (që rri përballë ishullit Othonoi) do të ngriheshin nga varri.
Më i njohur se Shkëlqim Hajdari është i biri, Arbër Hajdari, që ka një fondacion bamirësie të lidhur me oligarkët e Ramës. Burimet pranë PS-së thonë së Hajdari po e përgatit të birin për ta katapultuar në politikë, si deputet të PS-së.
/GazetaReforma.com/
