Pas komunikimit me qytetarët, kryeministri Edi Rama ka zhvilluar pasditen e sotme edhe një telekonferencë me Komitetin Teknik kundër COVID-19, ku të pranishëm ishin edhe ministrja e Shëndetësisë Ogerta Manastirliu si dhe Drejtori i Urgjencës, Skënder Brataj.
Në qendër të bisedës ishte strategjia e testimeve për identifikimin e të prekurve nga koronavirusi, si edhe gjendja në vendin tonë, teksa kjo javë konsiderohet si jave kur kurba do arrijë kurbën.
Drejtoresha e Institutit të Shëndetit Publik, Silva Bino, tha se rritja e numrit të testeve nuk është qëllim i komitetit të Task-Forcës, pasi testet bëhen për ata që janë të prekur dhe për ata që janë të dyshuar.
“Masat e distancimit social, distancimit fizik, se nga pikëpamja sociale ne jemi shuëm të lidhur, luajnë një rol shumë të rëndësishëm në tkurrjen e kurbës. Këtu luan një rol shumë të rëndësishëm gjurmimi, testimi. Ne i kemi hetuar të gjitha kontaktet, dhe ne kemi mesatarisht për një person 15 kontakte, e cila mund të shkojë edhe më shumë ndonjëherë. Ne gjurmojmë ata që janë të prekur dhe ata që janë të dyshuar. Ne i kemi të gjitha mjetet teste dhe kapacitetet. Kjo është ajo që mendoj unë. Rritja e rasteve ka qenë graduale dhe e qëndrueshme”, u shpreh Bino.
Këtij mendimi iu bashkua edhe Dr.Albana Fico, e cila tha se rritja e numrit të testimeve nuk është një qëllim me vete.
“Ashtu siç tha edhe Silva, askush që ka pasur nevojë nuk i ka munguar testimi. Gjurmohen të gjitha rastet larg personit të dyshuar dhe me test pozitiv, përsa i përket rritjes së numrit të testimeve, unë nuk mendoj që duhet të jetë një qëllim më vete.”
I pranishëm në komunikimin online ishte edhe drejtori i Urgjencës Kombëtare, Skënder Brataj që është prekur nga virusi, por tashmë është më mirë, por i ka mbetur pak kollë, teksa tha se po pret tamponin që të kthehet në frontin e luftës.
Kurse kryeministri i tha se: “Ne të presim por mos u ngut, pastaj të vish në vijën e frontit. Kjo është hera më e vështirë e asaj që ba bërë urgjenca kombëtare, ndaj jemi mirënjohës, nuk të donim të plagosur.”
Nga ana tjetër, mjeku Tritan Kalo u shpreh se masat e marra po bëhen për të izoluar sa më shumë koronavirusin dhe se qytetarët nuk duhet ta marrin si të mirëqenë faktin se situata po përmirësohet, por të kujdesen për veten dhe të tjerët.
https://www.facebook.com/edirama.al/videos/533937500862726/
