Kryeministri Edi Rama ka mbërritur në Paris ku pak më parë është pritur nga Presidenti francez, Emmanuel Macron në pallatin “Elysee” Macron e ka pritur Ramën në hyrje të pallatit sapo ka zbritur nga makina, teksa shihet në video duke i vënë dorën në shpatull. Pasi përshëndesin të dy kamerat ata vazhdojnë për në pallatin “Elysee”.
Ka qenë vetë kryeministri Rama ai që i ka publikuar pamjet në rrjetet sociale, ndërsa shkruan se është ftuar nga presidenti macron për një drekë pune mbi marrëdhëniet bilaterale dhe planin e investimeve të BE në rajon.
“I ftuar nga Presidenti Macron për një drekë pune mbi marrëdhëniet bilaterale, Planin Europian të Investimeve në Ballkan dhe situatën në rajonin tonë,”– shkruan Rama krah videos.
https://www.facebook.com/watch/?ref=external&v=886116875576538
Kryeministri Edi Rama mbërriti në Paris mëngjesin e sotëm dhe ka takuar fillimisht , Ministrin e Shtetit për çështjet Europiane Clement Beaune. Vizita e Ramës në Francë ishte lajmëruar mbrëmjen e djeshme nga faqja zyrtare e Presidencës Franceze, ku thuhej se në orën 13:00 kryeministri shqiptar do të drekonte me presidentin Macron.
Hera e fundit që Rama ka qenë në një vizitë në Francë, ka qenë viti 2018, ndërsa pritet që sot të diskutohet rreth negociatave, investimeve në rajom dhe marrëdhëniet dypalëshe mes dy vendeve.
