Kreu i Partisë Demokratike, Lulzim Basha ka nxjerrë një tjetër dështim në 8 vite të qeverisjes së kryeministrit Edi Rama.
Basha thotë se në vitin 2017 Rama premtoi 232 milionë dollarë subvencione direkte për fermerët për 4 vitet në vijim, ndërkohë që kanë marrë vetëm 47 milionë dollarë.
“49 ditë deri më 25 prill
100 dështimet e Ramës në 8 vite
Në 2017-ën, Edi Rama premtoi 232 milionë dollarë subvencione direkte për fermerët përgjatë 4 viteve në vijim.
A e ka mbajtur këtë premtim?
Përgjigjja jo.
Fermerët kanë marrë vetëm 47 milionë dollarë në 4 vite. Shqipëria ka nivelin më të ulët të subvencioneve direkte në rajon”, thuhet në video ne publikuar nga Basha.
Kujtojmë se prej ditësh kryedemokrati ka nisur fushatën zgjedhore. Sëfundmi Basha zhvilloi takim me banorët e njësisë nr.9, nga ku premtoi se PD do të jetë i fokusuar krah biznesit.
Dje Basha në takimin me banorët solli në vëmendje Teatrin Kombëtar, i cili u shemb nga partia aktuale në pushtet.
Lideri demokrat ka garantuar qytetarët se Teatri Kombëtar do të ndërtohet siç ishte, aty ku ishte.
“Teatri do të ndërtohet siç ishte aty ku ishte”, – tha Basha ndërsa zbuloi se për kulturën dhe artin në tërësi ka një plan të detajuar.
Më tej Basha i ka siguruar qytetarët se ai dhe opozita nuk vijnë me premtime, por me plan pune, dhe ai u jep fjalën se të gjitha angazhimet e programit të prezantuar deri më tani do të mbahen.
https://streamable.com/j1ece9
