Kreu i PDIU-ë reagoi ashpër ndaj takimit të kryministrit të vendit Edi Rama me homologun e tij grek.
I ftuar në emisionin Frontline” të gazetares Marsela Karapanço, në News24, Idrizi foli për çështjen çame.
Me tone të ashpra kreu i PDIU-së, tha se kryeministri Rama është armik i Çamërisë.
Sipas tij, takimi i sotëm i Ramës me lobistin greko-amerikan, i cili merret me çështjen e Vorio-Epirin, tregon sipas Idrizit se është shumë kundër çështjes Çame.
Pjesë nga intervista:
Idrizi: Rama është armiku i Çamërisë. Ai pret në zyrë, në Kryeministri dhe jo te baçja e Surrelit, lobistin greko-amerikan Nicolas Gage që është pro çështjes së Vorio-epirit dhe kundër ‘çështjes Çame’.
Karapanxho: Jeni i sigurtë për këtë që thoni?
Idrizi: Unë i shoh që kamerat janë ndezur dhe jam shumë koshient për këtë që po them tani. Ai tha nuk do shkoni në Greqi po mos të hiqet ‘Ligji i Luftës’. Bënte më shumë patriotin se ne dhe flste më shumë se ne për ‘çështjen Çame’. E hoqi nga programi qeveritar dhe nuk e përmendi më. Lejoi krijimin e varrezave të ushtarëve grekë, zgjerimi me 12 milje. E nisi si kalorës i Çamërisë dhe e mbylli si kali i trojës së Çamërisë. Me mandatet tona ne do ta cojmë jo vetëm në opozitë, por do ta ulim dhe në stolin e turpit të historisë.
