Edi Rama, në konferencë për shtyp sot për rritjen e pagave, preku edhe çështjen e grevës së naftëtarëve të Ballshit, vetëm pas 9 ditësh, që kur ata janë futur në grevë.
Rama u justifikua me faktin se kompania është private, por harroi se ka reaguar për këtë çështje vetëm në ditën e 9-të të grevës së tyre.
Gjithashtu, ai zbuloi se ka shkuar pak javë më parë enkas në një udhëtim në Azerbajxhan për të takuar presidentin, ku një bankë azerbajxhanase menaxhon rafinerinë. Sipas tij privatizimi ka qenë kriminal, dhe ai është i shqetësuar për këtë çështje, dhe se nuk duhen greva për ta sensibilizuar.
“Është një privatizm kriminal. Do shkruaja një libër nëse mund të tregoja çfarë kam bërë për këtë çështje. Kam bërë lloj-lloj lutjesh tek kompania për të rifilluar puna. Jo më larg se disa javë më parë shkova enkas në Azerbajxhan dhe takova presidentin. Por të na vini faj është e tepërt. Privatizimi është kriminal dhe në atë ndërmarrje nuk u bënë kurrë investime serioze. Ajo rafineri është keqshfrytëzuar. Jam i shqetësuar por e rëndësishme është të bëjmë diçka. Jam i shqetësuar, më vjen keq. Jam i informuar por nuk mendoj se s’ka nevojë për greva urie që të sensibilizojnë mua. Jam super i sensibilizuar unë. Kemi bërë ndërhyrje disa herë.”-tha Rama.
/GazetaReforma.com/
