Kryedemokrati Sali Berisha në rrjetet sociale ka hedhur akuza të ashpra drejt kryeministrit, Edi Rama. Ai e ka akuzuar kreun e qeverisë se në bashkëpunim me krimin e organizuar ka vendosur të bëjë ligjin kudo në vend. Berisha akuzon Ramën se ka shkelur çdo ligj demokracie, madje ai ka vjedhur edhe zgjedhjet.
“Në këtë vend, krimi dhe kreu i tij Edi Rama vendosin kudo, në rrugë, në qelitë më të sigurta të burgjeve, në Parlament, në Gjykata, në Prokurori dhe në çdo skutë të këtij shteti.
Kjo aleancë ka shndërruar në letër të vdekur ligjet demokratike që u hartuan dhe u miratuan në këto dekada për të garantuar liritë dhe të drejtat e njeriut, pronën, dinjitetin njerëzor. Kjo aleancë dikton sot me forcën më të madhe rezultatin e zgjedhjeve”, tha Berisha.
