Edi Rama është mbrëmjen e sotme i ftuar në emisionin “Open”, ku e ka nisur fjalën e tij me një urim për moderatoren Eni Vasili, e cila është në pritje të dy vajzave binjakë
‘Më vjen mirë që të shoh nga afër. Doja të të uroja për pritjen…Të pata shumë zili kur dëgjova që ke dy dhe i ke vajza”, i ka thënë Rama Vasilit.
Por pa humbur kohë, moderatorja ka vazhduar me pyetjet duke i risjellë në vëmendje Ramës retorikën agresive që po përdor në fushatë. Rama ka thënë se është krenar për këtë mënyrë komunikimi që sipas tij është e vërteta e thënë me satirë.
“Unë jam krenar për to, nuk me vjen zor fare. Është mënyrë komunikimi që më vjen natyrshëm. Nuk është e panjohur në botën e lirë dhe demokratike. Mbase është satirë, por unë mendoj që është e vërteta. E thënë me satirë. Satira nuk është e ndaluar”, tha Rama.
Ai ka komentuar edhe faktin se Lulzim Basha ka zgjedhur të mos i kthejë përgjigje, pasi nuk është lideri i vërtetë i PD-së.
“Se nuk e bën dot këtë dhe bën atë që bën. Kjo është e vërtetë. Pse nuk është e vërtetë që Basha nuk është lideri i PD-së dhe për çështje shumë sensitive nuk flet” u shpreh kryeministri.
Më tej ai ka komentuar edhe faktin se socialist të njohur, specifikisht Ditmir Bushati është vënë kundër tij lidhur me videon e fundit ku Rama deklaronte se do të sillte punëtorë nga Bangladeshi. Ai ka thënë se nuk e dinte fare çfarë kishte thënë Bushati dhe nuk i intereson fare.
“E para e punës, unë se di fare ça ka dhënë Bushati. Unë nuk po flas për thënie por për akte kriminale. Është kriminale se nuk bëhet fjalë për Nard Ndokën, por për liderin real të PD. Me një postim në Facebook, ai e nxjerr Bashën nga godina e SHQUP. Kjo nuk është çfarë thotë Bushati ulur në sofa. S’më intereson fare. Gjino nuk e hap gojën për këtë gjë. Flet sikur nuk ka pandemi dhe nuk ka rënë tërmet. Flet sikur jemi në 2005. Asnjë fjalë për vaksinat dhe tërmetit. Janë dy plagët me të mëdha, ky është në autobus”, deklaroi Rama.
