Ditën e premte do të vijnë në Shqipëri 38 400 dozat e para të vaksinës Astra Zeneca . Lajmin e ka dhënë kryeministri Edi Rama përmes një postimi në Facebook, ku njofton edhe se do të nisë menjëherë procesi i vaksinimit për mësuesit.
Postimi Ramës në facebook:
LAJM I MIRË
Pasnesër mbërrijnë 38 400 DOZAT E PARA TË VAKSINËS ASTRAZENECA dhe nisim menjëherë vaksinimin e mësuesve.
Deri tani në Shqipëri kanë ardhur 32 565 doza të vaksinës Pfizer dhe janë kryer 21,613 vaksinime. Sipas njoftimit të Ministrisë së Shëndetësisë ditën e sotme janë kryer 702 vaksinime antiCovid.
Ndërkohë situate e koronavirusit në Shqipëri vazhdon të jetë kritike, ndërsa në 24 orët e fundit janë shënuar 631 raste të reja pozitive me COVID-19. Po ashtu 17 qytetarë kanë humbur jetën duke e çuar në 1,986 numrin e vdekjeve në total që prej fillimit të pandemisë. Aktualisht janë 35,356 raste active, ndërsa në spitalet COVID po trajtohen 649 persona.
Procesi i vaksinimit në Shqipëri ka ecur me ritme mjaft të ngadalta, teksa ditët e fundit kryeministri rama ka ndryshuar gradualisht qëndrim lidhur me vaksinat ruse. Në pamundësi të sigurimit të një numri të madh dozash nga vaksinat e Perëndimit, Rama i ka hedhur sytë nga vaksinat ruse e kinezë edhe pse më parë i kishte refuzuar në mënyrë kategorike.
