Shqipëria do t’i japë Kosovës vaksina javën tjetër, njoftoi Kryeministri Rama. Pasi mori vaksinën, kryeministri Edi Rama në një prononcim për median tha se ndjehet i lehtësuar dhe se shqiptarët tani mund të presin pa ankth, a do të vijë apo jo vaksina në Shqipëri.
“Çdo gjë në rregull. Asnjë problem. Mendoj se është një ditë fantastike për faktin se jemi çliruar nga një barrë shumë e madhe. Barra e përgjegjësisë për të mos lejuar që shqiptarët të mbeteshin në rradhë dhe për të mundësuar, pavarësisht se, Shqipëria dhe rajoni ku ne bëjmë pjesë, nuk u përfshi në skemën e furnizimit të menjëhershëm, të fillonte me sa më pak diferencë kohe nga ata të cilët kanë dhe gurin dhe arrën në dorë dhe i marrin vendimet dhe bëjnë dhe furnizimet. Ky spostim fare pak javor në kohë është një lehtësim i madh për mua. Tani shqiptarët mund të presin pa ankthin a do vijë a s’do vijë vaksina. Vaksina nuk është e detyrueshme por e këshillueshme dhe duhet të çlirohen nga marrëzitë dhe helmet e burimeve të konspiracionit. Vaksina nuk i bën ilirët vikingë. Ilirët mbeten ilirë, dhe po ashtu është e sigurt që nuk futet çip në trup për të përgjuar thashethemet e kafeneve. Radhën për vaksinën e ka Saliu kur të futemi tek moshat e thyera”, tha Rama.
Ai tha se javën e ardhshme, do t’i jepen edhe Kosovës, doza të vaksinës.
“Dozat që ne mund t’i japim Kosovës nga java e ardhshme janë simbolike por është me shumë rëndësi që në këtë rast ne të mos mendojmë si BE, por të mendojmë që nuk jemi vetëm ne, e mbi të gjitha Kosova e Shqipëria janë një edhe në gëzim e në hall, nëse ky është një hall nëse nuk ia zgjidhim dot jemi të detyruar t’ia qajmë”.
Merita Sefa, doktoreshë në Infektiv, pasi mori dozën e parë të vaksinës Pfizer, tha se është shumë e lumtur që ka arritur kjo ditë. “Shumë e lumtur që arrita te kjo ditë. Absolutisht nuk kam frikë nga vaksína”, tha Sefa.
E para që mori vaksínën kundër koronavirusít në vendin tonë, ishte drejtoresha e Infektivit, Najada Como, dhe pas saj kryeministri Rama. Më pas fushata e vaksinímit ka vijuar me mjêkët e tjerë, të cilët janë në vijën e parë të luftês me pandemínë. Mjêku Pëllumb Pipero, Tritan Kalo, janë në grupin e parë, të mjêkëve që kanë marrë sot vaksinën.
/Gazetareforma.com/
