Kryeministri Edi Rama ka publikuar në faqen e tij të ‘Facebook’-ut një video ku shihet se si policë në terren bëjnë verifikimin e personave të prekur me koronavirus, të cilët duhet të respektojnë karantinën, duke mos dalë nga shtëpia.
Kreu i qeverisë theksoi se kush është i prekur nga Covid-19, nuk duhet të thyejë rregullat e karantinës.
“Policia vazhdon punën dhe Covid-i gjithashtu, por këto mesazhe njerëzore nga takimet me punonjësit e policisë së shtetit shërbejnë për këdo. Kushdo që është i prekur nga Covid19 nuk duhet të thyejë rregullat dhe karantinën. Policia i di të gjitha dhe kontrollet do të vijojnë! Shëndeti mbi të gjitha”, shkruan Rama në profilin e tij.
Disa prej personave të prekur, nuk kanë ngurruar të japin edhe mesazhet e tyre për të gjithë ata që ende mendojnë se COVID-19 është një “komplot botëror”.
I infektuari: Ata që e kanë kaluar në kurriz si unë të kenë disa fjalë vathë në vesh. Është një sëmundje që nuk të fal. Jo vetëm ti dëgjojnë si teori, por edhe në praktikë. Unë se ndaj vitaminën C, 3-4 herë në ditë.
Polici: Unë ju falenderoj për veprimin tuaj, ju jam mirënjohës si qytetar dhe punonjës policie.
Efektivi i policisë: Ju lutem, nëse nuk zbatoni rregullat, do të veprojmë në bazë të aktit normativ në fuqi. Të shkuara.
https://www.facebook.com/edirama.al/videos/599391410976365/
