Kryeministri Edi Rama ka realizuar ditën e sotme një komunikim live në Facebook me qytetarët, ku ka lajmëruar lehtësim të masave nga java e ardhshme, teksa bëri me dije se nga sot në orën 17:30, të gjithë duhet të izolohemi në shtëpi.
Lexo edhe : Në fundjavë të gjithë në shtëpi! Lehtësimet fillojnë javës tjetër, ja qytetet “fatlume”
Teksa u kërkoi që të respektojnë rregullat, kryeminustri u ka hapur zemrën qytetarëve, duke iu treguar se dhe atë e ka marrë malli për nënën e tij, por nuk shkon ta takojë, pasi e mbron nga rreziku i infektimit.
“Pse nuk më ka marrë malli mua për nënën time? Nuk dua të takoj unë nënën time? Apo ka frikë se më kap policia rrugës? Jo unë zbatoj rregullat siç ua kërkoj dhe juve, pasi mbroj familjen time dhe nënën time”, tha Rama.
Më tej, kryeministri ka bërë me dije se nuk do të ketë asnjë tolerim dhe askush nuk mund të shkojë të shikojë prindërit në qytete të tjera, teksa shtoi se nëse fëmijët shkojnë tek prindërit mund të bëhen si rasti i Mirditës, që infektoi prindërit se shkoi i takoi.
“E di që të ka marrë malli, por nuk mund të shkoni. Pasi mund të bëni gjëmën si ai djali në Mirditë. Ai nuk shkoi që t’i infekonte, por tani po i bie kokës me grushte. Nuk do shkoni, nuk do ketë vizita tek prindërit.”
https://www.facebook.com/edirama.al/videos/672188443558090/
