Kryeministri Edi Rama ka qenë sot në takim me banorët e Njësisë Administrative nr.2 në kryeqytet. Ai ka ironizuar presidentin Ilir Meta, menjëherë pas konferencës që ai mbajti mëngjesin e sotëm.
Rama ka parë filxhan së bashku me banorët.
“Ja janë dy rrugë, ecin paralelisht, është një me kokë lart e pike poshtë. Nuk ka “P”. Parlamenti nuk ekziston, “P” ka ikur, ka vetëm “I”, është shprehur Rama ndër të tjera.
Më tej ai është shprehur se të mos hysh në zgjedhje është vetëvrasje politike spektakolare.
Secili me mendjen e vet, kur nuk do të hysh në zgjedhje nuk merr dot peng gjithë dynjanë, është vetëvrasje politike spektakolare, por s’kemi ca të bëjmë. Kjo histori, unë nuk jam gati për ndeshje, ti nuk do hysh në stadium, kjo nuk ka shans të ndodhë. Nuk është çështja thjesht, është atmosfera e paligjshmërisë dhe klima e krijuar, bjeri murit me kokë dhe kjo përhapet, ca mësimi i jep se në fund kemi harruar thelbin, ose një nga misionet e politikës që të ketë edhe forcën e shembullit”.
Kreu i qeverisë u shpreh prerë se nuk ka asnjë shans që zgjedhjet të mos zhvillohen më 30 qershor, pasi sipas tij, kush do të zgjidhet, duhet të paraqitet në zgjedhje.
