Kryeministri Edi Rama ka dhënë një intervistë për Radio Televizionin e Soanjës (RTVE) gjatë vizitës së tij në shtetin iberik. Gjatë intervistës është përmendur edhe çështja e Kosovës, pavarësinë e së cilës Spanja nuk e njeh. Rama ka thënë se mosnjohja e Kosovës nuk vjen për shkak se Spanja ka një problem me shqiptarët, por për shkak të problemeve të brendshme.
Megjithatë, Rama u shpreh se nuk mund të ketë asnjë lloj krahasimi mes problemeve të brendshme të Spanjës dhe lëvizjeve separatiste për pavarësi në disa rajone, dhe ndarjes së Kosovës nga Serbia.
“Kosova është problemi i fundit që ka mbetur pa zgjidhur që nga koha e Jugosllavisë, kapitulli i fundit i dhimbshëm.
Një nga çështjet kryesore është njohja e Kosovës si komb dhe nuk është njohur nga të 27 anëtarët e BE-së, përfshirë vetë Spanjën.
E dimë që kjo gjë nuk vjen për shkak se ka një problem me shqiptarët apo me vetë Kosovën. Kjo vjen për shkak të problemeve të brendshme. Dakord, por duhet të jemi në fakt shumë të qartë këtu, pasi nuk ka asnjë lloj krahasimi të mundshëm ndërmjet problemeve të brendshme të Spanjës, lidhur me lëvizjet independentiste apo separatiste dhe ndarjes së Kosovës nga Serbia”, ka thënë Rama
