Kryeministri Rama sot gjatë prezantimit të projektit të ri të Kampusit Universitar ka thënë se ish-presidentit Nishani i ka dhënë leje vëllait të tij për të shkatërruar mesat dhe për t’i kthyer në lloto dhe për këto fjalë Nishani ka vendosur ta padisë.
Fraza “vëllai i Presidentit e ktheu në loto mensën në Qyteti Studenti” ka shtyrë Ish-presidenti Bujar Nishani aktualisht kryetar i Këshillit Kombëtar të PD ta padisë për shpifje.
Nishani zyrtarisht ka thënë se i vëllai as nuk ka tentuar, as nuk ka privatizuar kurrë ndonjë objekt në Qytetin Studenti.
Nishani gjithashtu e ka sfiduar Ramën, duke qenë se ky i fundit ka pushtet gjithandej që të bëjë publike dokumentet që provojnë se vëllai i ish-presidentit është pronar i ish-mensës në Qytetin Studenti apo ka kryer ndonjë aktivitet lotoje aty.
Pak kohë më parë, për të vërtetuar se e njëjta akuzë ishte shpifje, ish presidenti Nishani publikoi certifikatat e pronësisë së pronarëve të ligjshëm, që nuk kanë asnjë lidhje me familjen apo të afërm të tij.
