Seanca e sotme ka pasur përplasje dhe deklarata të forta dhe një prej tyre ka qënë edhe ajo e kryeministrit Rama për gjyqtarët e çështjes së 21 janarit.
Rama gjatë fjalës së tij ka thënë se të gjithë gjyqtarët që kanë gjykuar këtë çështje kanë përfunduar në rrugë, mirëpo nuk përjashtoi as mundësinë e burgosjes së tyre.
Gjithashtu Rama i është drejtuar Partisë Demokratike duket i thënë se nëse mendojnë se do ta pengojnë dhe përmbysin reformën që është duke u bërë në drejtësi e kanë shumë gabim.
“Sot është 21 janari këta vranë 8 vite më parë, sot vijnë këtu dhe kanë idenë se drejtësia nuk do të vijë. Mendojnë se do ta pengojnë edhe përmbysin reformën në drejtësi që është pa kthim. Gjykatësit e 21 janarit sot janë rrugëve, nesër mund të përfundojnë pas hekurave”,- u shpreh kryeministri.
