Kryetarja e Lëvizjes Socialiste për Integrim ka qenë e ftuar në emisionin “Opinion” ku ka folur edhe për ftesën e vazhdueshme që Rama i ka bërë Bashës për bashkëpunim. Kryemadhi ka thënë se Rama mund të gënjejë Bashën dhe Metën, por jo atë. Ajo është shprehur se LSI është një strukturë e së vërtetës që ka mbijetuar me vështirësi të madhe sidomos në 2 vitet pas djegies së mandateve. Kryemadhi deklaroi se ajo djegia e madateve ka qenë një nga veprimet më të përgjegjshme që ka bërë LSI dhe ka pasur kosto të madhe ndërkombëtare dhe emeocionale.
“Me Metën dhe Bashën e gjen ai, i ka gënjyer ata disa herë, por Monikën nuk e gënjen dot ai. LSI është një strukturë politike që për hir të së vërtetës ka mbijetuar në një vështirësi të madhe sidomos në 2 vitet pas djegies së mandatave. Unë vijoj dhe ti qëndroj një nga pikave të mia, që ka qenë një nga veprimet më të përgjegjshme që ka bërë LSI. Ka pasur një kosto të jashtëzakonshme politike, ndërkombëtare dhe emocionale brenda vetes tonë.”-tha Kryemadhi.
Kujtojmë që javën e fundit kryeministri Rama i ka drejtuar vazhdimisht ftesë kreut të opozitës, Lulzim Basha për bashkëpunim. Deri tani ky i fundit nuk e ka pranuar thirrjen e Ramës.
