Kreu i delegacionit të Parlamentit Evropian në misionin vëzhgues të OSBE/ODIHR për zgjedhjet e 11 majit në Shqipëri, në konferencën përmbyllëse, vlerësoi përpjekjet e Komisionit Qendror të Zgjedhjeve për organizimin e një procesi të hapur dhe transparent.
Megjithatë, ai theksoi se një sërë rekomandimesh të OSBE-së vijojnë të mbeten të paadresuara, ndërsa ngriti shqetësime për praktika të diskutueshme si përdorimi i skemës së pensioneve dhe falja e gjobave pak para votimit.
Një tjetër çështje e theksuar ishte ndikimi politik mbi një pjesë të medias, që sipas tij, ka kufizuar aksesin e qytetarëve në informim të pavarur dhe të balancuar gjatë fushatës.
“Zgjedhjet ishin konkurruese dhe fushata e qete, por disa rekomandime të ODIHR nuk janë adresuar, si financimi i fushatës. Ne mendojmë se numërimi jashtë qendrave të votimit është diçka që duhet adresuar. Veç kësaj se duam të theksojmë se disa bashkëbisedues ngritën shqetësimet për shpërdorimin e parave publike, përdorimin e skemës së pensioneve në minutë të fundit apo falja e gjobave. KQZ i arriti procedurat në mënyrë eficente. Mirëpresim marrëveshjen mes SPAK dhe KQZ për procedimin e krimeve zgjedhore”, tha mes të tjerash zyrtari i PE.
