Ditën e premte, kryeministri Edi Rama publikoi një video në faqen e tij zyrtare në “Facebook”, ku u tall me kundërshtarët politikë. Kur kanë kaluar dy ditë nga video e kreut të qeverisë, ka ardhur dhe përgjigja e kreut të opozitës. Kryetari i Partisë Demokratike, Lulzim Basha, në vijim të fushatës elektorale të zgjedhjeve të 25 prillit këtë të dielë ka kërkuar nga shqiptarët që ta mbështesin për zgjedhjet e 25 prillit.
Basha, përmes një videomesazhi të publikuar në rrjetin social “Facebook”, thekson se ka shumë gjëra që mund të jenë pjesë e imagjinatës, por ka dhe shumë e shumë të tjera të cilat është e mundur që të bëhen realitet.
LEXO EDHE: Rama “tallet” me kundërshtarët politikë, video e kryeministrit bëhet virale
“Besojeni! Mbylli sytë dhe imagjino Imagjino sikur Shqipëria fiton Kupën e Botës. Imagjino sikur Dua Lipa të këndonte në dy vjetorin e vajzës tënde. Imagjino Mesin që nënshkruan kontratë me Tironën dhe Kristianon me Partizanin.
Hej, ngadalë! Ca gjëra janë të pamundura, por rritja e pagave është e mundur! Hapja e vendeve të reja të punës është e mundur! Krijimi i vendeve të punës është i mundur! Futja në Bashkimin Europian është e mundur! Ta marrim këtë mundësi me të dyja duart dhe të votojmë për ndryshim në 25 prill” ka thënë në videomesazhin e tij kreu i PD-së, Lulzim Basha.
https://www.facebook.com/lulzimbasha.al/videos/212233124025373
