Pas gjestit të ulët që kryeministri i vendit Edi Rama bëri me gazetaren Edona Haklaj, i menjëhershëm ka qenë reagimi i saj.
Me anë të një reagimi në rrjetet sociale, gazetarja ka paralajmëruar kryeministrin se me veprimin që bëri ka shumë “borxhe për të larë”.
“Ama, unë me veprimin tim sot mund ti kem një borxh shtetit për shkeljen e aktit administrativ për mosmbajtjen e maskës, ndërsa kryeministri me veprimin e tij ka shumë borxhe për të larë,”-ka shkruar ajo.
Kujtojmë se mëngjesin e sotëm nga ambientet e shkollës “4 Dëshmorët”, Kryeminisri dha një prononcim për media, në kuadër të nisjes së vaksinimit të mësuesve.
Ajo që ra në sy ishte moment kur Rama shtyn me duar gazetaren për shkak se nuk kishte maskë. Ky veprim u cilësua si një gjest mjaft i ulët nga ana e kryeministrit.
Reagimi i plotë:
“Sot, për shkak të profesionit që kam rastisa si rrallëherë pranë kryeministrit Rama. Rastisa dhe pa maskë. Për shkak të rrethanave që ndodhin në raportimet live, e që jo gjithmonë janë favorizuese për të qënë gati me mikrofonin, kamerën, e maskën. Kryeministrit, me të drejtë i bëri përshypje mungesa e maskës sime, (edhe pse përdora shallin si barrierë mbrojtëse) dhe pa të drejtë më shtyu në formë urdhëruese për të shkuar dhe për të marrë maskën Unë i përkas kulturës, dhe reagimi im ndaj liderit suprem ishte në te njëjtën formë, me një largim të qetë, sikur asgjë nuk ndodhi. Duke e njohur mirë kryeministrin, marrëdhenien e tij me medien, nuk doja që ai të gjente një rast për tu grricur, as një arsye për tu bërë lajm. Ama, unë me veprimin tim sot mund ti kem një borxh shtetit për shkeljen e aktit administrativ për mosmbajtjen e maskës, ndërsa kryeministri me veprimin e tij ka shumë borxhe për të larë,”-ka shkruar ajo.
