Në seancën e djeshme plenare, kryeministri Edi Rama gjatë fjalës s tij përmendi emrin e deputetit të pavarur Lefter Maliqit, kur ky i fundit nuk ishte në sallë.
Ditën e sotme, Maliqi iu është kundërpërgjigjur fjalëve të Ramës me tone të ashpra.
Maliqi është shprehur se disponon video kundër kryeministrit Edi Rama dhe se shumë shpejt do t’i bëjë publike.
Sipas tij, nga sot fillon lufta e vërtetë me Ramën pasi “u hapën letrat” dhe se do ta zhvishte lakuriq siç ishte.
Ky ishte edhe kërcënimi i parë i deputetit Maliqi, ku është shprehur se të gjithë duhet ta shohin se çfarë monstre është ai.
“Sot është një ditë e zezë për demonin e dukur të djallit të beut të Surrelit sepse mbrëmë PE miratoi amendamentin për 15 kushtet, ku ndër më kryesorë dënimi i krimit zgjedhor, lufta kundër korrupsionit.
Për shqiptarët dhe socialistët e ndershëm është ditë zie sepse ka ikur një ndër figurat më të rëndësishme Moikom Zeqo dhe familjes së tij i shpreh ngushëllimet.
Unë jam këtu, meqenëse ky frikacak, kam bërë rresht dy interpelanca me ministrin. Ai nuk pranoi të dilte përballë.
Dje në mungesën time, duke parë që nuk ishte në rreshtin e tij, njolla e zezë e kësaj figure, siç shiti Tahirin, Kokëdhimën, e Dakon foli.
Nëse është burrë, sot nis deklaratat për të, pasi do e nxjerr lakuriq atje para Kuvendit siç është. Mos të kujtojë se ka vdekur Prifti dhe s’ka më kaseta.
Filmimet dhe kasetat tek Dashi i Pezës nuk mungojnë. Dua t’i them se ai i infiltruari që ka qenë në grupin e zjarrit dhe ka qëlluar, duhet të hetohet.
Paketorin e ke aty o palaço. Paketorin që vjedh paratë e shqiptarëve.
Drejtorin e burgjeve e ke po aty. Ky njeri që kërcënoi me mesazhe zotin Basha ka frikë nga koalicionet.
E vetmja mënyrë është grisja e marrëveshjes në Ambasadën Amerikane.
Jo këta po çfarëdo partie të krijojë nuk fiton dot përballë shqiptarëve të ndershëm.
Për t’i dhënë edhe një përgjigje edhe më të sinqertë dhelprën me dy koka e di shumë mirë ai.
Është shprehja e tij në një grup të madh pazarxhinjsh.
Do t’ia them të gjitha ballë përballë. Tani u hapën letrat. Është mosmirënjohës.
Ky njeri duhet të marrë fund. Ky nervi im është i sinqertë, i drejtë. Ku të dojë të përballet, në votë dhe parlament.
Mos t’iu duket se është trim, se aktron dhe me ju, bën batuta, batuta krimi. Është kriminel, është sharlatan, një belkëputur. Kujton se do blejë vota”, tha Maliqi.
