Komentet e kryeministrit Rama ditën e sotme nga Durrësi në takimin “Bashkia që duam” kanë prekur jo pak opozitën, pasi janë përmendur emra.
Një nga emrat ka qenë edhe ai i ish-deputetit Oerd Bylykbashi, për të cilin kryeministri tha se ka për të filluar për të bërë guida turistike.
“Oerd Bykylbashi tha nuk hyj në zgjedhje por si të hysh si jo njësoj do të jetë. Do të bësh guidën turistike për turistët e Vorës, Kamzës e Shkodrës. Mbas teje Oerd, mbas Lulit mos të flasim për fallxhoren, nuk vijnë demokratët e Durrësit. Ne zgjedhjet do i bëjmë si me ata si pa ata”.
Pikërisht këto fjalë e kanë shtyrë ish- deputetin që të kthejë përgjigje dhe këtë e ka bërë përmes një postimi në rrjetin social, Facebook. Bylykbashi i ka kujtuar Ramës bisedat e kaluara duke iu referuar zgjedhjeve të viteve 2009 dhe 2011.
Mbi të gjitha ish-deputeti i thotë Ramës mos të sillet si jurist, kur është artist.
“Kur je artist mos bej si jurist! Hidhi armët që të jep pushteti, lëri bandat dhe dil në shesh barabartë dhe të shohim si ikën duke kuisur. Hë artist, ashtu e sheh sa të vlejnë bojrat e ujit që mban mbi tryezë!”, ka thënë ndër të tjera Bylykbashi.
Postimi i plotë
Eh mer artist!
Paska fol artisti nga Tirana. O artist, te kujtohet 2009 kur thoje: Si ma hodhe qe mblodhet me shume vota me koalicion? I madh ishe, kujtoje se koalicioni i madh duhej vetem per kohe televizive. Koalicioni mblodhi vota, jo kriminelet qe mbledh ti.
Po 2011 kur te nxorem nga zyra te kujtohet? Te prishem planet e kullave. Madje doje te zhdukje edhe ato 300 votat qe socialistet kishin hedhur per ty por i kishin hedhur ne kutite e gabuara. Ti nuk doje te numeroheshin edhe votat e tua, i bere hasha, se doje te shpalleshe fitues patjeter vetem me 10 votat e rezultatit paraprak. Ne ti gjetem ne kuti, i numeruam per ty nje per nje. Dhe ti humbe.
Kur je artist mos bej si jurist! Hidhi armet qe te jep pushteti, leri bandat dhe dil ne shesh barabarte dhe te shohim si iken duke kuisur. He artist, ashtu e sheh sa te vlejne bojrat e ujit qe mban mbi tryeze!
