Pas fjalimit të mbajtur në Laç ku dorëzoi çelësat e shtëpie të ndërtuara, Erdogan bashkë me Edi Ramën kanë shkuar në godinën e kryeministrisë. Gjatë ditës së sotme dy krerët pritet të nënshkruajnë 7 marrëveshje. Vizita e Erdogan në vendin tonë ka ardhur në 554 vjetorin e vdekjes së Skënderbeut, teksa vizita po zhvillohet në masa të rrepta sigurie ku shumë akse që lidhin kryeqytetin janë të bllokuara.
Nga marrëveshjet që pritet të nënshkruhen sot, e para ka të bëjë me një marrëveshje bashkëpunimi ndërmjet Agjencisë Anadolu dhe Agjencisë Telegrafike Shqiptare, e dyta mësohet se do të jetë një memorandum mirëkuptimi për bashkëpunimin në fushën e trajnimeve për zbatimin e ligjit ndërmjet qeverisë së Turqisë dhe Shqipërisë. Veç të tjerave, pritet të ketë edhe një protokoll bashkëpunimi ndërmjet Drejtorisë së Arkivit Shtetëror të Turqisë dhe Drejtorisë së Përgjithshme të Arkivit.
Ndërkohë në këtë takim mes Ramës e Erdogan, nuk do të mungojë as një memorandum mirëkuptimi për Bashkëpunimin në Fushën e Rinis dhe Sporteve ndërmjet ministrisë se Turqisë dhe asaj shqiptare. Takimi i tyre në Kryeministri, që do të pasohet nga një konferencë e përbashkët për shtyp, ndërsa pritet që Erdogan do të marrë pjesë dhe në ceremoninë e inaugurimit të xhamisë së Et’hem Beut në kryeqytet.
